| Латшымше сентябрьыште лумло искусство пашаен, «Лесная легенда» икымше марий балетым возымо Анатолий Борисович Луппов Ушнур селаш толын. Тудо тыште шочын, тунемын, но шочмо кундемыште шукертсек лийын огыл.. Анатолий Борисович дене пырля эргыже, эмлыше Владимир Анатольевич Луппов, ачажын шочмо вержым ужаш толын. Уна –влакым Ушнур кыдалаш школ вашлийын. Нунылан ондак школ йыр экскурсийым эртареныт, вара шергакан уна-влак актовый залыште тунемше-влак дене вашлийныт. Анатолий Борисовичым В.К Антоничева, И.И Пьянкова да В.Ф. Галкин саламленыт. Вара А.Б. Луппов кучыкын шке полмезе йоча пагытше нерген каласкален. Школым ужмо деч вара, уна –влак черкыш, Изи Кундыш пуяш, памашыш миен –коштыныт. Кум топольымат ужыныт, ончыч тудо верыште Лупповмыт ешын портшо верланен улмаш. Анатолий Борисович ден Владимир Анатольевичлан селасе калык да пуртус моткочак келшен. Алена Воронцова, 10 б класс
|