| Мемнан Ӱшнур национальный школын тÿҥ пашаже – марий шÿлышан да писе ушан рвезе да ÿдыр-влаклан сай шинчымашым пуаш да ончыкылык марий интеллигенцийым шуараш чыла йöным ышташ. Лудшо-влаклан мемнан школ поэзий ден прозым йöратыше-влаклан изирак «Яндар памаш» сборникым темла. Авторжо – школым шöртньö медаль дене пытарыше, лÿмжö школышто да районышто веле огыл, республик да регион кÿкшытыштат палыме Татьяна Петрова. Татьяна – творческий шÿлышан ÿдыр. Тудо шке мастарлыкшым прозыштат, поэзийыштат терга, шке йÿкшым кычалме татыште улеш. Самырык возышылан шочмо кундем, ял, ола, родо-тукым, пÿртÿс явлений, йöратымаш, самырык пагыт, историй тема-влак лишыл улыт. Тиде сборник – Татьянан икымше книгаже. Тышке ойлымаш, очерк, йомак, почеламут-влакым пуртымо. Сылнымут корнет волгыдо лийже, Таня!
|